परदेशीहरूले, परदेशीहरूका लागि बनाएको

WTS को हो?

Way To Success नेपाली आप्रवासी कामदारहरूका लागि काम गर्ने सामाजिक उद्यम हो। वित्तीय साक्षरता, डिजिटल सीप, IPO तथा सेयर बजार सहयोग, कानुनी कागजात र अधिकारबारे सचेतना — नेपालमा र UAE, साउदी अरब, मलेसिया, कतारसहित ५० भन्दा बढी देशमा रहेका नेपालीहरूका लागि। हामी दूतावास वा सरकारी निकाय होइनौँ; सहजीकरण गर्ने निजी संस्था हौँ, र यो कुरा हरेक सेवामा स्पष्ट लेख्छौँ।

किन सुरु भयो?

राजेन्द्र पौडेल आफैँ साउदी अरब र UAE मा कामदार भएर बसे। परदेशमा पहिलेभन्दा बढी कमाइ हुन्छ, तर धेरै साथीहरू रित्तो हात घर फर्किन्छन् — मेहनत नपुगेर होइन, योजना नभएर। विदेशबाटै चल्ने बैंक खाता, समयमै नवीकरण भएको राहदानी, दर्ता नभएको पेन्सन — यस्ता प्रश्नको जवाफ दिने कोही थिएन।

त्यही प्रश्नको जवाफ दिन उनी र सङ्गीताले एउटा Facebook पेजबाट सुरु गरे, अनि सन् २०१८ मा ती समस्या समाधान गर्ने संस्था बनाए। आज त्यो संस्था एउटा अभियान बनेको छ।